Einkennileg forgangsröðun

Þetta er athyglisvert.  Lanhelgisgæzlan er í slíkum fjárhagskröggum, að hún getur ekki sinnt eftirlits- né björgunarhlutverki sínu.  Hún hefur ekki efni á að manna flugvélakost sinn.  Sjómenn búa við skerta öryggisþjónustu af þeim sökum.  Það þurfti að leigja Ægi og Sif til eftirlitsstarfa í útlöndum, svo ekki þyrfti að loka sjoppunni!

Svo nota menn þetta rándýra tæki í lögguleik og hraðamælingar með enhverri sveitalöggu norður i landi.

Fylgst með umferð í Húnavatnssýslum

Athugasemdir

[Axel Jóhann Hallgrímsson, 15.7.2010 kl. 18:45]

Ég hygg að þyrlan sé ekki látin í þetta verkefni án endurgjalds

[Kristján Þorgeir Magnússon, 15.7.2010 kl. 19:36]

Kann að vera.  En er það ekki hið opinbera sem greiðir fyrir þjónustuna?  Hver annar?  Varla er þetta greitt með samskotum Blönduósslöggunnar.  Hið opinbera virðist þó ekki geta fjármagnað grunnþarfir Gæzlunnar.

[Sveitalöggan (IP-tala skráð) 15.7.2010 kl. 20:47]

Það er náttúrulega ótækt að sólunda fé gæslunar í "einhverja sveitalöggu norður í landi".

[Axel Jóhann Hallgrímsson, 15.7.2010 kl. 20:52]

Þessi "sveitalögga" norður í landi skilar afgangi í ríkiskassann.

[Kristján Þorgeir Magnússon, 15.7.2010 kl. 21:09]

Skilar afgangi í ríkiskassann?  Þessi sveitalögga norður í landi hefur um árabil verið heltekin af ómerkilegum hraðasektum, vegna þess að hún ræður ekki við neitt merkilegra.  Lanhelgisgæzlan hefur merkilegri hlutverkum að sinna.

[Sveitalöggan (IP-tala skráð) 15.7.2010 kl. 22:02]

Já, það er rétt, þeir standa sig vel drengirnir á Blönduós, það fer ekki milli mála, það sér það fólk sem ekur þjóðveg 1 reglulega, þarna er hóflegur hraði.

Vissulega er það rétt að þeir skila góðum árangri fyrir rikiskassan, helst með því forvarnarstafi sem þeir sinna. Svo má nú líka benda á að þeir hafa verið duglegir við að nappa dópsala úr 101.

Kv.

[Óskar (IP-tala skráð) 15.7.2010 kl. 23:20]

Alltaf kemur sama röflið þegar fréttir koma af samstarfi löggunnar og LHG

Flugmenn gæslunnar þurfa að fljúga ákveðið marga tíma á mánuði og þetta umferðareftirlit er bara hluti af þeim tímum.

Hvort er betra að þeir séu að fljúga bara til að fljúga eða halda uppi umferðareftirliti og auka umferðaröryggi?

[Guðmundur St Ragnarsson, 16.7.2010 kl. 00:35]

Þetta er sko ekki bara einhver sveitalögga. Blönduóslöggan er lögga allra lögga, "The" Lögga og hefur verið duglega að innheimta fyrir ríkissjóð. Það kemur okkur öllum til góða, líka Kristjáni nokkrum Þorgeirssyni velsem greinilega hefur verið nappaður af Blönduóslöggunni oftar en einu sinni miðað við beiskufull orðin.