Til hamingju framhaldsskólakennarar

Til hamingju.  Þetta var vel gert.  Nú þurfum við bara að hækka laun grunnskólakennara það mikið, að þeim takizt að kenna grunnskólanemum að lesa sér til gagns á tíu árum, sem þeim hefur ekki tekizt almennilega hingað til, örugglega vegna lágra launa.  Annars hafa þeir nemendur sem þeir skila frá sér ekkert í framhaldsskóla að gera.

Geti leitt til 29% launahækkana

Athugasemdir

[Kristján Þorgeir Magnússon, 4.4.2014 kl. 21:08]

Ég verða að bæta því við, að á mínum barnaskólaárum var sex til sjö ára börnum kennt að lesa sér til skemmtunar og gagns á örfáum mánuðum.

Það er ekki hægt að kenna nútímatölvunotkun um torlæsi barna.  Það þarf líka að lesa það sem stendur á tölvuskjám og skilja það.

Sennilega er einungis um að kenna lágum launum grunnskólakennara á torlæsi íslenzkra barna.

[Jonsi (IP-tala skráð) 4.4.2014 kl. 22:26]

Verðugar hugleiðingar Kristján,

en látum við ekki bara markaðslögmálin stjórna þessu.

E.t.v. er læsi ekki eins mikilvægt og við höldum, fyrst hér er enn vinnandi fólk, hvort sem læst eða ekki.  E.t.v. fá þeir sem kunna betur að lesa, eða kenna sjálfum sér að lesa á eldri árum einhverja betri vinnu ef markaðurinn sækist eftir því.   Síðan er líka hægt að flytja inn vel læst fólk frá spáni og öðrum löndum ef markaðurinn þarf á að halda.

 J.

[Kristján Þorgeir Magnússon, 5.4.2014 kl. 01:04]

Þakka þér fyrir athugasemdina Jónsi.  Að sjálfsögðu var um íróníu að ræða af minni hálfu.  SA þarf ekki, að þeirra áliti, á menntuðu fólki að halda heldur aðeins fólki sem nota má í fiskvinnslu.  Vel getur verið, að við verðum að flytja inn læst fólk frá Spáni eða öðrum Evrópulöndum, til að sinna störfum sem krefjast þekkingar.

Það hefur verið vel þekkt nokkuð lengi, að grunnskólamenntun á Íslandi er einhver sú lélegasta í Evrópu.  Börn sem koma til Íslands frá Lúxembúrg fara tvö ár aftur í tímann við að setjast í íslenzkan skóla sem talinn er hæfa þeirra aldri hér.  Áhrifavaldar í kennslu hérlendis eru til að mynda fólk sem útskrifast hefur úr kennara "há" skóla Íslands.