Öryggi? Hvílíkur brandari.

Fyrir nokkrum dögum kom upp atvik, sem ekki er unnt að kalla neitt annað en glæpsamlega vanrækslu ISAVIA við öryggisgæzlu á Keflavíkurflugvelli.  Tveir menn komust framhjá öllum "öryggisventlum" ISAVIA og komust um borð í flugvél.  Það voru starfsmenn flugrekandans sem fundu mennina og ISAVIA á engan þátt í þvi að ekki fór verr.  Flugrekendur treysta því, að flugvélar þeirra séu öruggar á Keflavíkurflugvelli.

Ljóst er, að ekki er unnt að treysta því að svo sé.  Svo virðist, sem hver sem er geti komist með sjálfan sig og þá væntanlega sprengju um borð í flugvélar á Keflavíkurflugvelli, í boði ISAVIA.  Öryggisvörðum þeirra er þó vorkun.  Þeir eru uppteknir við að klæða farþega úr skónum og gegnumlýsa yfirhafnir áhafna og gera ekki annað á meðan.  Mikilvægt er að hafa forgangsatriðin á hreinu.

Óþarfa eftirlit í Leifsstöð?