Ræða,- og stöðva svo

Bjarni. Ég er sammála því mati flokkssystur okkar, Ragnheiðar Elínar, að aðlögunarviðræðum okkar við ESB sé sjálfhætt. Þeim var raunar sjálfhætt eftir að ESB hótaði okkur viðskiptaþvingunum vegna veiða í okkar eigin lögsögu. Þátttaka ESB í ákæru ESA, þótt skiljanleg sé, er með öllu óásættanleg. Mælirinn er löngu fullur. Hann fylltist raunar um leið og vitað var að fullveldisafsal það sem aðild hefði för með sér og Samfylkingin vinnur sleitulaust að, er ekkert annað en landráð.

Endilega ræða málið á Alþingi, með það að markmiði að sópa umsókninni endanlega út af borðinu. Til vara má hugsa sér að afgreiða málið í samræmi við ályktun síðasta landsfundar Sjálfstæðisflokksins, þ.e. að fresta viðræðum og leggja það undir dóm þjóðarinnar hvort taka eigi þær upp aftur.

Stjórnarandstaða, i.e. Framsóknarflokkur og Sjálfstæðisflokkur: Vakna, hysja upp um sig og fara að vinna!

Ekki leyfa veruleikafirrtri Samfylkingu og huglausum vinstrigrænum að rústa framtíð lands og þjóðar.

Brýnt að ræða stöðu viðræðna