Hugsanlegt framhald málsins, hrossakaup

Fyrirferð Magma málsins eru komin út fyrir allan þjófabálk í þjóðfélagsumræðunni.  Vissulega er óásættanlegt að erlendir aðilar geti með vafasömum hætti svindlað sér inn í eignaraðild að fjöreggjum þjóðarinnar.  Málið er þó dálítið ómerkilegt.  Það er auðvelt fyrir stjórnvöld að takast á við það, sé það vilji þeirra.

Þetta mál er tilvalið til að valda titringi á stjórnarheimilinu.  Þingmenn VG ráðast á það sem Atli kallar ólögmætan samning með offorsi og hóta að láta af stuðningi við ríkisstjórnina.  Samfylkingunni er í lófa lagið að koma til móts við VG og ná sáttum, svo stjórnarsamstarfið lafi áfram.

Niðurstaðan verður sú, að VG fær sitt fram að því er Magma varðar.  Í staðinn leggjast vinstrigrænir hundflatir fyrir öðrum órum Samfylkingarinnar, eins og þeir eru vanir.  Þarmeð verður Samfylkingin búin að koma í veg fyrir að VG þvælist fyrir ESB draumórum fylkingarinnar.  Quid pro quo.

 

Gæti ógnað ríkisstjórninni