Hræðsluáróður

Auðvitað geysist hin umboðslausa málpípa Samfylkingarinnar í formi viðskiptaráðherra fram og boðar harðindi og hörmungar í kjölfar dóms hæstaréttar.  Umboðslausi ráðherann virðist gleyma því, að hæstiréttur er æðsta dómsvald þjóðarinnar.  Hann virðist einnig gleyma því, að nýju bankarnir fengu öll lán gömlu bankanna með verulegum afföllum.

Það er stefna Samfylkingarinnar, að lántakendur eigi einir að bera skaðann og standa að endurreisn bankanna.  Jóhanna Sig. hefur þegar lýst því yfir.  Lánveitendur eru stikk frí.  Það er vegna þess, að aumingjaríkisstjórn Jóhönnu Sig. ræður ekki við þá.  Hún telur sig hins vegar hafa í fullu tré við skuldsettan almenning og nýtir þann möguleika út í æsar.  Einungis fátæklingar kjósa Jóhönnu Sigurðardóttur til þingsetu.  Þessvegna er það mikilvægt fyrir pólitíska tilvist Jóhönnu Sig., að sem sem flestir íslenzkra kjósenda séu undir fátæktarmörkum.  Þess vegna er það markmið hennar að svo sé. 

Með aðstoð vinstrigrænna geðluðra og álíka geðlausrar umboðslausrar málpípu gerir hún allt sem hún getur til að ná því markmiði sínu.

Umboðslausi, leiðitami og undirgefni viðskiptaráðherrann, sem fyrir löngu hefur glatað sínum akademíska trúverðugleika hótar nú þjóðinni að hörmungar skuli yfir hana ganga vegna þessa dóms æðsta dómstóls þjóðarinnar.  Hvað er þessi umboðslausa málpípa Jóhönnu Sig. að gefa í skyn?  Hann verður að sætta sig við þennan dóm.  Punktum, basta.

Menn hlíta dómi hæstaréttar.  Hin ráðlausa ríkisstjórn Jóhönnu Sig. getur engu breytt þar um.  Hún getur ekki sett afturvirk lög.

Almenningur fengi reikninginn

Athugasemdir

[Sigurður Haraldsson, 24.6.2010 kl. 00:22]

Heyr heyr!