Kemur ekki á óvart

Ákvörðun Hæstaréttar kemur ekki á óvart.  Það tíðkast almennt ekki að meintir sakamenn ráði því hvort þeir eru handteknir eða ekki.  Sigurði hefur tekist að stimpla sig sem misyndismann og gungu með því að neita að mæta til yfirheyrslu á Íslandi.  Heldur hann að hans bíði fallöxi?  Þetta er hans val, en hann kemst ekki upp með það til lengdar.  Það má láta fleiri standa reikningsskil gjörða sinna.  Til dæmis Jón Ásgeir Jóhannesson.  Samfylkingin virðist þó hafa einkennilega lítinn áhuga á því.

Fangelsun er þó ekkert gamanmál.  Varast verður nornaveiðar.  Einkar óheppileg voru þau ummæli Steingríms J. Sigfússonar á dögunum, að handtökurnar hefðu góð áhrif á almenning.  Einmitt það.  Líkt og þegar rómverzk alþýða öskraði af kæti, þegar sakamönnum og öðrum var varpað fyrir ljónin í Colisseum.

Hvað átti Steingrímur við, þegar hann nefndi almenning?  Var hann að vísa til skynsamra og yfirvegaðra Íslendinga eða átti hann við vinstrigræna skrílinn sem, með núverandi heilbrigðisráðherfu í fararbroddi stóð fyrir því að grýta Alþingishúsið og Lögregluna í pottabyltingunni?

Máli Sigurðar vísað frá