Umboðslaus Steingrímur

Seint ætlar Steingrímur að skilja, að hann hefur ekki samningsumboð til að skuldbinda þjóðina til eins eða neins.  Séu ummæli Bloombergs rétt, er hér um að ræða grafalvarlegt mál.  Umboðslaus fjármálaráðherra með jarðfræðipróf og enga þekkingu á fjármálum, fremur en dýralæknir, fer þá eina ferðina enn á bak við þjóðina.  Það að Steingrímur ljúgi að þjóðinni í sífellu er orðið norm.  Enginn býst lengur við að eitt einasta satt orð komi uppúr honum.

Auk umboðsleysis hefur Steingrímur ekki þekkingarlegar- né vitrænar forsendur til að standa í samningum við aðrar þjóðir.  Hann og þessi ríkisstjórnarómynd hafa ítrekað haft í frammi tilburði sem ekki er hægt að kalla neitt annað en landráð. 

Hversu langt skyldi vera í að landsmenn missi endanlega þolinmæðina og reisi fallöxi á Austurvelli?

Segja Ísland ætla að greiða með vöxtum

Athugasemdir

[Skeggi Skaftason, 16.4.2010 kl. 23:10]

Nú ert þú eitthvað að misskilja. Auðvitað hefur ríkisstjórn umboð til að semja um þetta mál. Það hefur verið samþykkt af Alþingi að um þetta skuli semja, svo fær Alþingi samninginn til samþykktar.

Lestu svo skýrslu RNA, 6. bindi, 18. kaflann, fyrstu 65 síðurnar, og líka 5. bindið, ef þú ert einn af þeim sem heldur að íslensk stjórnvöld (og þar með íslesnkir kjósendur/skattborgarar) geti bara fríað sig allri ábyrgð á Icesave.

[Kristján Þorgeir Magnússon, 17.4.2010 kl. 00:16]

Umboð ríkisstjórnarinnar er de facto umboð, ekki raunverulegt.  Enda virðast Bretar ekki líta svo á, að umboðið sé raunverulegt.  Þess vegna vilja þeir ekkert við stjórnarómyndina tala.  Skýrsla RNA er ekki heilög ritning.  Íslenskur almenningur ber ekki ábyrgð á skuldum óreiðumanna fremur en á afleiðingum eldgossins í Eyjafjallajökli á efnahag Evrópskra flugfélaga.

Fjölmargir Íslendingar virðast vera illa þjakaðir af sjálfsvorkunn og sjálfsásökun.  Geta ekki með nokkru móti staðið í lappirnar gegn ruddalegu fyrrum nýlenduveldi.  Vonandi ert þú ekki í þeim hópi.